ភ្នំពេញ៖ «មាន់ជល់អនឡាញ» នៅចំណុចរោងកាហ្វេដាលីន នៅភូមិក្រាំមដោក កំពុងដំណើរការយ៉ាងគគ្រឹកគគ្រេង បានបង្កក្តីកង្វល់ដល់ពលរដ្ឋ រស់នៅក្នុងភូមិក្រាំម ដោយសង្កាត់ពងទឹកខណ្ឌដង្កោរ កំពុងមានការព្រួយបារម្ភ និងបានរិះគន់យ៉ាងខ្លាំង ចំពោះអាជ្ញាធរពាក់ព័ន្ធ ក្នុងមូលដ្ឋានដែលហាក់បីដូចជាមិនយកចិត្តទុកដាក់ក្នុងការចុះបង្ក្រាប ។
ប្រជាពលរដ្ឋក្នុងមូលដ្ឋានខណ្ឌដង្កោរ កំពុងតែអស់ជំនឿលើមន្ត្រីពាក់ព័ន្ធ ក្នុងមូលដ្ឋានក្រោមហេតុផលថា ៖ ល្បែងស៊ីសងបើកលេងសេរី បែរជាសមត្ថកិច្ចពាក់ព័ន្ធក្នុងខណ្ឌដង្កោរមិនបង្ក្រាបល្បែងស៊ីសងធ្វើអោយមានការរីករាលដាលល្បែងអាបាយមុខទាំងនេះ កំពុងធ្វើឱ្យគ្រួសារពួកគាត់ឈ្លោះគ្នា និងកើតជាហឹង្សារក្នុងគ្រួសារដោយសារតែប្ដីចាញ់ល្បែង ។
ពលរដ្ឋក្នុងមូលដ្ឋានខណ្ឌដង្កោរទាំងមូល បានសំណូមពរលោក ជឹម ស៊ីថា អធិការខណ្ឌដង្កោរម្ដងហើយម្ដងទៀត សូមលោកដឹកនាំកម្លាំងក្រោមឱវាទចុះពិនិត្យនិងបង្ក្រាបរាល់បទល្មើសល្បែងស៊ីសងទាំងនេះទាំងនេះផង ។
ពលរដ្ឋដដែលបានបន្តថា ៖ «ល្បែងស៊ីសងគ្រប់ប្រភេទជាឫសគល់ នៃបទល្មើសចោរកម្មលួចឆក់ប្លន់ និងកើតករណីហិង្សាក្នុងគ្រួសារជាដើម ជាហេតុនាំឲ្យប្រជាពលរដ្ឋមានការព្រួយបារម្មណ៍ភ័យខ្លាចនិងភាពអសន្តិសុខនៅក្នុងសង្គមក៏ដូចក្នុងមូលដ្ឋានផងដែរ»។
ដូច្នេះ អាជ្ញាធរពាក់ព័ន្ធក្នុងមូលដ្ឋានគួរមានវិធានការបង្ក្រាប ! ឲ្យធានាបាននូវសន្តិសុខសុវត្ថិភាពភូមិឃុំទាំង ៧ ចំណុច របស់រាជរដ្ឋាភិបាល ដែលបានដាក់ចេញដោយក្រសួងមហាផ្ទៃផងទាន ៕
