ខេត្តកំពង់ចាម ៖ នៅព្រឹកថ្ងៃអាទិត្យ ទី២៨ ខែមិថុនា ឆ្នាំ២០២០នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងឯកឧត្តម ខ្លូត ផន ប្រធានក្រុមប្រឹក្សាខេត្ត រួមដំណើរដោយឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត ថ្នាក់ដឹកនាំមន្ទីរ អង្គភាពជុំវិញខេត្ត និងមន្ត្រីរាជការ បានអញ្ជើញនាំយកនូវទេយ្យទាន និងទៀនវស្សាប្រគេនព្រះសង្ឃគង់នៅវត្តចំនួន៤ ក្នុងក្រុងកំពង់ចាម ។
ពិធីប្រគេនទៀនព្រះវស្សានិងទេយ្យវត្ថុទាំងនេះ ប្រារព្ធទៅនៅវត្តខេមវ័ន្ត (ហៅវត្តបឹងស្នាយ) ស្ថិតនៅសង្កាត់សំបួរមាស ក្រុងកំពង់ចាម ។
គួរបញ្ជាក់ថា ៖ ពិធីប្រគេនទៀនព្រះវស្សាសនេះរៀបចំឡើងដើម្បីថ្វាយប្រគេនព្រះសង្ឃ សម្រាប់ប្រើប្រាស់តាមតម្រូវការខណៈពេលដែលព្រះសង្ឃ នឹងគង់ចាំព្រះវស្សារយៈពេល៣ខែក្នុងរដូវវស្សា មិនអនុញ្ញាតឱ្យនិមន្តទៅទីឆ្ងាយដាច់រាត្រីឆ្លងថ្ងៃនោះឡើយ លើកលែងតែមានភារកិច្ចសំខាន់ចាំបាច់ ដូចជាឪពុកម្តាយឈឺធ្ងន់ ឬនិមន្តទៅសម្តែងធម៌ទេសនា ដោយ តាំងចិត្តនិមិត្តត្រឡប់មកវិញក្នុងរយៈពេល ៧ថ្ងៃ និងជាពេលវេលាដ៏សំខាន់សម្រាប់ភិក្ខុសង្ឃ និង សាមណេបានរៀនសូត្រធម៌ និងវិន័យយ៉ាងខ្ជាប់ខ្ជួនតាមពុទ្ធឱវាទ ៕
