ចេញផ្សាយ ថ្ងៃទី ២៨ ខែ មីនា ឆ្នាំ ២០២២

កែប៖  មន្ទីរសាធារណការ  និងដឹកជញ្ជូនខេត្តកែប កាលពីព្រឹកថ្ងៃទី២៨ ខែមីនា ឆ្នាំ២០២២បានរៀបចំបូកសរុបលទ្ធផលការងារឆ្នាំ២០២១ និងលើកទិសដៅការងារ ឆ្នាំ២០២២ ក្រោមអធិបតីភាព  ឯកឧត្តមបណ្ឌិត សោម  ពិសិដ្ឋ អភិបាលនៃគណៈអភិបាលខេត្តកែប និងមានការអញ្ជើញចូលរួមពីសំណាក់លោក  លោក ស្រី  អភិបាលរងខេត្ត  តំណាង កងកម្លាំង ទាំងបី  ប្រធាន  អនុប្រធានមន្ទីរ  អង្គភាពជុំវិញខេត្ត អភិបាលក្រុង ស្រុក លោកមេឃុំ ចៅសង្កាត់ រួមទាំងមន្ត្រីរាជការនៃមន្ទីរសាធារណការខេត្ត ។

បើតាមរបាយការណ៍របស់លោក ម៉ម ទូច ប្រធានមន្ទីរសាធារណការ និងដឹកជញ្ជូនខេត្តកែប បានបញ្ជាក់ថា  ក្នុងរយៈពេល ១ឆ្នាំ ២០២១ មន្ទីរសម្រេចបានសមិទ្ធផលរូបវន្តធំៗ ចំនួន ៦គម្រោង ដែលរួមមាន៖

១-គម្រោងសាងសង់ស្ថានីយថ្លឹងរថយន្ត ផ្លូវជាតិលេខ៣៣ ស្ថិតក្នុងឃុំពងទឹក ស្រុកដំណាក់ចង្អើរ

២-គម្រោងស្ថាបនាឡើងវិញនូវកំណាត់ផ្លូវលេខ ១៣៣៥  ប្រវែង២១៥០ម៉ែត្រ ដោយក្រាលកៅស៊ូ DBST   រួមទាំងសំណង់ សិល្បការ្យ ស្ថិតក្នុងស្រុកដំណាក់ចង្អើរ

៣-គម្រោងជួសជុលផ្លូវលេខ១៣៣២ ពីបេតុងសរសៃដែក ប្រវែង ៧៥០ម៉ែត្រ ទទឹង៩ម៉ែត្រ ក្នុងឃុំពងទឹក  រួមទាំងការដំឡើងភ្លើងសញ្ញាចរាចរណ៍ នៅផ្លូវបំបែកផ្សារដំណាក់ចង្អើរ ក្រុងកែប

៤-គម្រោងរៀបការ៉ូឡា សម្រាប់ផ្លូវថ្មើរ ជើង តាមផ្លូវ៣៣A ប្រវែង៧០០ម៉ែត្រ ក្រុងកែប

៥- គម្រោងបន្ទាន់ចំនួន៣ គឺជួសជុលផ្លូវជាតិលេខ៣៣A ពីកៅស៊ូDBST ៤០០០ម៉ែត្រ,សាងសង់លូជ្រុងផ្លូវលេខ ៣៣A និងផ្លូវលេខ១៣៣២។

៦- គម្រោងថែទាំផ្លូវថ្នល់ជាប្រចាំ ផ្លូវ៣៣ A ផ្លូវ១៣៣២ ផ្លូវ១៣៣៥ លើប្រវែងសរុប ៤០.៣៦ គីឡូម៉ែត្រ ។

ក្រៅពីគម្រោងធំៗដែលមន្ទីរសម្រេចបានក្នុងឆ្នាំ២០២១ ទាំង៦គម្រោងនេះ លោកប្រធានមន្ទីរ ក៏បានបង្ហាញនៅក្នុងរបាយការណ៍នូវការងារស្នូលរបស់មន្ទីរ ដូចជាការចុះបញ្ជី និងផ្ទេរកម្មសិទ្ធិយាន យន្ត , ការងារផ្តល់បណ្ណបើកបរយាន យន្ត , ការងារត្រួតពិនិត្យយានយន្តកែច្នៃខុសបច្ចេកទេស,  ពិនិត្យបច្ចេកទេសយានយន្ត រួមទាំងការងារផ្សព្វផ្សាយច្បាប់ចរាចរណ៍ផ្លូវគោក ដែលសុទ្ធសឹងទទួល លទ្ធផលល្អប្រសើរ។

  មានប្រសាសន៍ថ្លែងបិទកិច្ចប្រជុំនេះ ឯកឧត្តមបណ្ឌិត សោម ពិសិដ្ឋ អភិបាលខេត្ត បានកោតសរសើរ និងវាយតម្លៃខ្ពស់ចំពោះសមិទ្ធផលដែលមន្ទីរសម្រេចបាន ក្នុងឆ្នាំ២០២១ ដែលបញ្ជាក់ឱ្យឃើញ ពីកិច្ចខិតខំប្រឹងប្រែង អនុវត្តតួនាទីភារកិច្ចប្រកបដោយស្មារតីទទួល ខុសត្រូវខ្ពស់ ។ ក្នុងនោះដែរ ឯកឧត្តម ក៏បានណែនាំឱ្យមន្ទីរសាធារណការ  និងដឹកជញ្ជូនខេត្ត បន្តយកចិត្តទុកដាក់ត្រួត ពិនិត្យឱ្យបានម៉ត់ចត់នូវបច្ចេកទេស សាង សង់ថែទាំជួសជុលផ្លូវស្ពាន តាមស្តង់ដារ ប្រកបដោយគុណភាព និងសុវត្ថិភាព ។

ត្រូវខិតខំជំរុញដល់គណៈកម្មការត្រួត ពិនិត្យយានយន្តដឹកជញ្ជូនលើសទម្ងន់  គណៈកម្មការត្រួតពិនិត្យការកែច្នៃយាន យន្ត ខុសបច្ចេកទេស និងអនុគណៈកម្មការពាក់ព័ន្ធទាំងអស់ ខិតខំកែលម្អ ពង្រឹងយន្តការ និងសហការជាមួយអាជ្ញាធរដែនដី និងអង្គភាពពាក់ព័ន្ធ ទប់ស្កាត់ឱ្យបាននូវការកែច្នៃខុសបច្ចេក ទេស ឬការដឹកជញ្ជូនលើសទម្រង់ជាដើម ។  ពិសេសជំរុញការផ្សព្វផ្សាយច្បាប់ចរាចរណ៍ផ្លូវគោក ដើម្បីកាត់បន្ថយគ្រោះថ្នាក់ចរាចរណ៍ឱ្យបានជាអតិបរមា៕

វិទ្យុជាតិកម្ពុជា៖ មន្ទីរព័ត៌មានខេត្តកែប  អត្ថបទដោយ លោក&n

bsp; ជិន  សុផុន