ខេត្តកណ្តាល ៖ ដោយមានការចង្អុលបង្ហាញពីលោកឧត្តមសេនីយ៍ទោឈឿន សុចិត្តស្នងការនគរបាលខេត្តកណ្តាលនិងលោកអ៊ូ ឈាងអភិបាលស្រុកកៀនស្វាយនៅរសៀលថ្ងៃទី១០ខែកញ្ញាឆ្នាំ២០២១លោកវរសេនីយ៍ឯកព្រុំសំណាងអធិការនគរបាលស្រុកកៀនស្វាយបានដឹកនាំមន្ត្រីនាំយកថវិកា.អង្ករនិងសំភារៈចូលបុណ្យសពលោកហែម សារ៉ា ភេទប្រុសអាយុ៥០ឆ្នាំជាមន្ត្រីនគរបាលស្រុកកៀនស្វាយរស់នៅភូមិតា រាបឃុំគគីរក្នុងនោះលោកអភិបាលស្រុកកៀនស្វាយចូលបុណ្យ១លានរៀលនិងលោកមុត សារិទ្ធមេភូមិស្លាបតាអោន២០ម៉ឺនរៀលផងដែរ (សរុបទាំងអស់ថវិកាចំនួន៣.៨៦០.០០០រៀល) បានចូលបុណ្យសពលោក ហែម សារ៉ាជាមន្ត្រីនគរបាលស្រុកកៀនស្វាយដែលបានទទួលមរណៈភាពជួបគ្រោះថ្នាក់ចរាចរណ៍ដែលកើតហេតុនៅថ្ងៃទី០៩ខែកញ្ញាឆ្នាំ២០២១វេលាម៉ោង២០.១៥នាទី នៅលើដងផ្លូវជាតិលេខ១ចន្លោះគីឡូម៉ែតលេខ២៥-២៦ស្ថិតនៅក្នុងភូមិស្តៅកន្លែង២ឃុំដីឥដ្ឋស្រុកកៀនស្វាយ ខេត្តកណ្តាល។
លោក ព្រុំ សំណាង បន្តថា នៅមុនពេល
កើតហេតុខាងលើលោកហែម សារ៉ា បានជិះម៉ូតូម៉ាកAIR BLADE ពណ៍ស-ខៀវពាក់ផ្លាកលេខភ្នំពេញ 1BX-4545 បានបើកបរក្នុងទិសដៅពិភ្នំពេញទៅអ្នកលឿងលុះបើកមកដល់ចំណុចកើតហេតុជនរងគ្រោះបានធ្លាក់សម្ភារះផ្ទាល់ខ្លួននៅលើថ្នល់ជាតិហើយបានឈប់ម៉ូតូដើម្បីទៅរើសសម្ភារៈពេលនោះស្រាប់តែមានម៉ូតូ០១គ្រឿងម៉ាក HONDA DRAEM C125 ពណ៌ទឹកប្រាក់ ស៊េរី2018ពាក់ផ្លាកលេខ ភ្នំពេញ 1CY-4217 អ្នកបើកបរមិនស្គាល់អត្តសញ្ញាណ បើកបរក្នុងទិសដៅស្របគ្នាបានបុកជនរងគ្រោះបណ្តាលឲ្យស្លាប់នៅហ្នឹងកន្លែងកើតហេតុចំនែកអ្នកបើកបរម៉ូតូបង្កបានរត់គេចខ្លួនបាត់មុនពេលសមត្ថកិច្ចចុះទៅដល់។
ក្រោយពីកើតហេតុសមត្ថកិច្ចជំនាញផ្នែកចរាចរណ៍ចុះទៅធ្វើការវាស់វែងយកម៉ូតូទាំងពីរគ្រឿងរក្សាទុកនៅអធិការដ្ឋាននគរបាលស្រុកដើម្បីស្រាវជ្រាវតាមនីតិវិធី ។ ចំណែកសាកសពត្រូវបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី។
គួរបញ្ចាក់ថា លោកឧត្តមសេនីយ៍ទោឈឿនសុចិត្តស្នងការខេត្តកណ្តាលបានចេញសងថវិកាចំនួន១លានរៀលដែលលោលហែម សារ៉ាបានចំពាក់គេ ៕
